Da sind wir

So muess mer foar, damit mer uns find!

Wenn de vo die Audobahn A 7 künnst, muest de bei die Obfohrt Hammelburch ro foar, links obbiach un Richdung Kissinge foar. Sei eweng vorsichtich auf damm Stück, weil die doar racht oft blitze. Mittlerweile sölltest de dir scho moa überleich, ob de noch Euerdüaf oder noch Ölferschause wisst. Irchendwann künnste dann emol o Mochtelshause vorbei....

EUERDORF:

Nochert muesst de mit 60 km/h durch Trimbarch foar. Rachts oube siehast de ach die Trimburch. Denoch gehts als grodaus weiter, bis zum Kreisel. Pass mer frei auf des Vorfahrtgewähren Schild auf, bei dam Kreisel hoats scho öfter gekracht! Du föarst dann gleich die örschte Ausfohrt wieder raus und o die Kirch vorbei, no nein Durf. Schorf rachts rüm ums Eck und grodaus die Hauptstroaß noch. Noch 100 Meter is unner Foarschuel auf die rachte Seite. Mir freen uns, wenn de emol vorbei künnst!

Mir vo die Foarschuel

ELFERSHAUSEN:

Uff em Wach noch Ölferschause mueste in Trimbarch rachts obbiech. Schorf um die Kurve und durch des ganze Dürfle durch. Förscht dann über die Soolbrücke nü und künnst dann scho Richtung Ölferschause. Irchendwann dürst de dann über die Bohgleise hobbel und dann am Hotel Ullrich vorbeifoar. Nochert gehts als grodaus ins Durf nei, vorbei am Bäcker und die Wirtschaft und direkt in dare schorfe Kurve is dann unner Foarschuel auf die rachte Seite. Wer schö, wenn de mol künnst!

Mir vo die Foarschuel